Oo اذكرك بالخير oO

اذكرك بالخير....

امر الشارع اللي به مكانك واذكرك بالخير
اقول الله اكبر يازمان كان يغليني
لحالي وما حد حولي وكل لاهي بالغير
ولا عندي سوى الله داري عن حالي وشفيني
تمر ذكرى ورى ذكرى واثاري الذكريات كثير
مثل اول لقا واحلى غزل ما بينك وبيني
تعبت من الوله ابتصل واللي يصير يصير
دخيل الله ابي اسمع كلامي يامجافيني
اذا هالوقت متأخر ما عليه اسمحلي عالتأخير
ابا آخذلي دقايق ما تضر يانظر عيني
حبيبي يا مهنيني غلطت وخانني التعبير
هذاك اول اناديك بحبيبي يامهنيني
مساء الخير واحشم جيتي محتاج للتقدير
عزيز وجيتك مسير عليك ولا تراضيني
كريم ويا كثر ما مدت ايدني بلا تقصير
عطيت وما بخلت الا على نفسي من ايديني
شجاع وما اهاب الا الزعل الصد والتكشير
واخاف الله فيك وخاف ربك لا تأذيني
أمانه لا تضيع من يدينك فرصة التفكير
وتمت وانت سالم وما بقالي وقت يمديني
احبكـ وان سألت شلون مدري مالها تفسير
دخيلك لا دخيلك لا دخيلك لا تخليني,,,,.